Carlos, 28, ta un tata preocupa purbando di yuda su yuinan cu ta na Venezuela, dunando nan di come

Español

Mi a riesga mi bida tres biaha pa bin aki nan. E no ta un viaje cu mi lo recomenda otro hende pa haci. Nos a viaja via un boto di palo chikito cu tabata yena cu otro pasahero nan. Mi ta di cuidad, mi no ta custuma di ta den laman dus mi a saka henter e viahe.

Mi ta di Barquisimeto y mi a viaha seis hora pa yega Falcón, eynan ta di unda boto nan ta sali. Pero orabo yega eynan e ta tuma tempo, tin biaha te hasta luna nan pa warda pa un boto sali. Tin biaha e laman ta hopi bruto; tin biaha e motor ta stop di traha of e boto ta haya algun fayo cu nan mester dreche. Nan ta ponebo na un cas algun caminda leu, sin cuminda y bo no por traha pasobra bo mester ta cla pa bai na e boto na cualkier momento.    

E ta tuma nuebe hora  pa yega e isla, tin biaha mas cu esey. Ora e awa nan di Venezuela yega hunto cu esun di Curacao, e laman ta bira diferente. Nan ta yama esaki e Canal. Ora bo yega cerca di e isla, nan ta tirabo unda cu nan por. Nan mision ta pa lagabo yega eynan, pero nan no ta worry con bo lo logra yega na tera. Cruzada nan asina ki semper ta un riesgo.

Mi a yega di ta deteni y manda bek pa Venezuela. Den detencion ta hopi difícil. Ora bo sali di eynan bo ta sinti manera cu bo nunca mas kier bin back.

Pero despues bo ta realisa orabo ta Venezuela back cu eynan tampoco ta baiendo bon. Di berdad bo no por haci nada pa sobrevivi. Mi mama ta zorg pa mi dos yui nan. Mi casa y ami mes ta aki nan purbando di haya placa pa manda back Venezuela. Mi kier pa mi yui nan come bon (bon alimentacion). Ora mi tabata traha mi tabata manda placa tur ora cu mi haya mi pago. Mi tabata traha den construccion prome cu e pandemia a trece e crisis aki nan. Aworaki no tin hopi trabou di construccion. Ultimamente mi no a haya placa pa manda pa mi famia, nan ta comiendo lo minimo (berdura cu ta wordo duna  door di gobierno).

E no ta facil pa haya apoyo pero nos a haya oportunidad di a conoce hende nan y organizacionnan cu a yuda nos. MI tin e ‘karchi’ di Cruz Cora (Rode Kruis). E carchi aki nan a yuda nos e ultimo luna nan aki nan. Desde e crisis mi no a haya trabou cu tabata vast of regular. Nos teniente di apartmento a saca nos pa no a cumpli cu e pago den medio di e crisis. Nos no por haya cualkier trabou, nan no lo tuma nos.

Mi ta trahando riba un meta di habri mi mes un mini market na Barquisimeto, mescos cu mi mayornan a haci, y djies biba un bida normal. Pa mi, e crisis na Venezuela ta mescos un curva di aprendizahe.

Nos ta bini aki nan pa un mihor futuro. Tin biaha e ta bai bon, tin biaha e ta bai malo pero nos mester sigui pusha pa dilanti.