Ana, 25, ta luchando economicamente pa por cria su yui nan y un baby biniendo na caminda

Español

Durante e lockdown, mi casa no por a traha. Nos no tabata tin ningún ingreso dus nos no por a paga huur, pero e donjo di e apartmento no tabata worry cu esey mes. E donjo a saca nos durante e lockdown. E tabata un horibel situacion. Mi tabata na estado pa 8 luna, pero e a corta awa di apartmento y e a menasa nos. Nos no tabata tin otro caminda di bai y nos tabata den mei mei di un lockdown. Ningun hende tabata tin mag di ta pafo.

Siendo indocumenta y tambe na estado ta un reto extra. Mi ta na cas henter dia y tur mainta ora mi casa bai traha mi tin miedo pa e no bolbe back cu polis gare y despues deporte. E ta dunami hopi stress. Nos no ta sigur, y nos mester firma un areglo di pago pa duna lus na e baby. Un nacemento natural ta costa 9.000 florin y un nacemento no natural (caesarean) ta costa 13.500 florin. Clinica di Salú Pa Tur (apoya door di ACNUR) ta yuda nos cu check-ups, pero nan no por financia e gasto nan di nacemento. Mi ta sintimi insigur di e futuro. Mi ta purba di tin un mentalidad positivo y sigui bai dilanti.

Nos tambe tin pakete nan di cuminda. Mi por cushina cu e cuminda aki, pero nos tin otro gasto nan cu nos mester paga. E huur di 650 florin no ta inclui awa ni coriente. Mi casa a cuminsa traha atrobe, bon mes. E kier haya extra placa pa por paga e huur. E donjo semper ta bin aki nan pa recorda nos cu nos mester paga huur y cu nos debe. Nos toch a conoce hende cu tabata amabel cu nos na e isla aki , hendenan cu a brinda nos nan apoyo y solidaridad.

Mi no kier pa otro nan sinti pika dimi, pasobra mi no ta wardando otro nan pa salbami. Mi ta aki nan pa cuida di mi mes y mi famia.