Wallix, 24, su sonjo tabata pa caba su estudionan pero esaki aworaki no a sigui despues di a hui for di su pais

Español

Mi tabata tin suerte, mi a bin via avion. Tin otro hende nan cu a purba di bin via barco, pero hopi di nan ta disparce. Ora mi a bin aki nan, mi prima y su casa tabata bibando na e isla aki nan caba. Den comienzo nan a yudami, pero despues di algun tempo mi mester a busca mi mes un lugar pa keda. Na Venezuela mi tabata studia Ingenieria den Telecommunicacion, pero mi no por a continua cu mi studio nan ora mi a bin aki nan. Aworaki mi ta traha den e mes un area di mi studio, well mi tabata traha pasobra mi no a traha mas desde e pandemia di coronavirus a cuminsa. Luna nan caba sin traha. E lugar unda mi ta traha no tin suficiente trabou pa haci esey kiermen cu mi ta kedando cas hacienda nada.

Tres anja luchando. E bida di un persona indocumenta no ta facil. Hopi rechazo. Sin trabou. Nos (normalmente sin un status regular) ta haya menos pago. Hopi biaha, negoshi nan kier a contratami, pero mane nan haya sa cu mi ta indocumenta nan no ta contratami mas. Ora mi a bin aki nan, mi tabata tin speranza pa un mihor bida. Bida di traha duru y trata otro cu amabilidad. Nos a accesore cu basketnan di cuminda y un Karchi[1] di Cruz Cora (Rode Kruis).

Pa suerte, mi ruman a cuminsa traha atrobe, y esaki ta nos unico ingreso na e momento aki nan. Mi ruman a bin aki nan despues cu mi a spaar placa y cu esey mi a paga su vuelo pa bin aki nan. E ta un estilista di cabey profesional y awo mester mantene su mes, ami y nos mayor nan, mescos cu ami lo haci ora mi tin trabou.

Mi no a bolbe bay bek Venezuela despues cu ami a hui for di eynan tres anja pasa. Mi no a wak mi mayor nan den un tempo bastante largo. Mi ta haya nan falta, pero si mi bai back Venezuela, mi no lo sali for di eynan mas, esaki ta un sacrificio mi mester haci.

Mi lo kier pa hende di Curaçao compronde cu no ta tur Venezolanonan ta mescos. Tin bon hende y mal hende tur caminda. Mi lo kier pa Corsow duna nos un oportunidad. Mi kier studia, traha y biba aki nan regularmente.

[1] Carchi Pre-pago pa cumpra cuminda.